Fshehën armën me të cilën Edison Elezaj plagosi tre persona, dy të arrestuar

<p>Policia ka vënë në pranga dy persona të cilët kanë qenë të pranishëm në darkën ku u plagosën tre personave, ngjarje e ndodhur në orët e para të mëngjesit në një restorant në Rrugën e Kavajës.</p> <p>A. D., 38 vjeç, dhe D. Z., 35 vjeç, të dy banues në Tiranë, u vunë në pranga për veprën penale "Veprime që pengojnë zbulimin e së vërtetës", kryer në bashkëpunim.</p> <p>Ndërkohë është shpallur në kërkim autori i plagosjes së trefishtë, E. E., 32 vjeç, për veprën penale "Plagosja e rëndë me dashje. Në ndryshim nga njoftimi paraprak, ku thuhej se ngjarja dyshohet aksidentale, policia sqaron se ka qenë plagosje me dashje</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Gjithashtu, gjatë kryerjes së veprimeve procedurale, si dhe këqyrjes së kamerave të sigurisë, është bërë e mundur gjetja e armës së zjarrit pistoletë TT, e cila dyshohet se është përdorur gjatë ngjarjes.</p> <p>Pas kryerjes së krimit nga shtetasi E. E., dy të arrestuarit, i kanë marrë armën e zjarrit dhe më pas e kanë fshehur atë, me qëllim pengimin e zbulimit të veprës penale dhe të autorit të saj.</p>