Aksident i trefishtë në Lezhë-Milot, dy të plagosur

Aksident i trefishtë është regjistruar mëngjesin e sotëm në aksin rrugor Lezhë-Milot.

Ngjarja ka ndodhur, në afërsi të një karburanti ku janë përfshirë në aksident rrugor mjetet me drejtues shtetasit J. K., banues në Maqedoni, I.B., banues në Kosovë dhe K.M., banues në Lezhë.

Burime policore bëjnë me dije se kanë marrë dëmtime të lehta shtetaset S. B., dhe H.M., pasagjere në këto mjete, të cilat pas marrjes së ndihmës mjekësorë në spital janë larguar nga aty.

Ndërkohë, drejtuesit e mjeteve janë shoqëruar në Komisariatin e Policisë Lezhë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.