Rama për lagjen e re në Baldushk: 53 familje të prekura nga tërmeti kanë hyrë në shtëpitë e reja

Kryeministri Rama ka publikuar foto nga lagjja e re në Baldushk teksa thotë se 53 familje të prekura nga tërmeti kanë hyrë tashmë në shtëpitë e reja.

Edi Rama ka postuar fotot se si po merr formë lagjja e re.

MIRËMËNGJES dhe nga Baldushku, ku deri tani kemi strehuar në shtëpi të reja 53 familje të prekura nga tërmeti, e tanimë po përfundojmë krejt lagjen e re edhe për familjet e tjera, ju uroj një fundjavë të mbarë.

Lagjja e re ofron urbanizim dhe standardet më bashkëkohore të sigurisë dhe cilësisë në ndërtim, me hapësira banimi, zonë të gjelbëruar, trotuare dhe ndriçim si dhe shërbime pranë vendbanimit.