Në kuadër të goditjes së veprimtarive kriminale, Specialistët për Hetimin e Trafiqeve të Paligjshme të DVP Durrës, finalizuan operacionin e koduar “Hidden line”.
Si rezultat i këtij operacioni, u arrestua në flagrancë shtetasi V. Rr., 44 vjeç, banues në Durrës, i dyshuar për mbajtje pa leje dhe prodhim armësh, trafikim armësh dhe municioni, si dhe mbajtje pa leje të armëve të ftohta dhe të uniformës.
Gjatë kontrollit në subjektin e tij, një studio tatuazhi në lagjen nr. 4 të Durrësit, specialistët sekuestruan: 1 pistoletë dhe 1 armë kallashnikov, 1 granatë dhe 2 krehra me municion luftarak, 1 armë e ftohtë (dorezë metalike), 1 palë pranga të ngjashme me ato të Policisë, mjete për pastrimin e armëve dhe 1 celular.
Hetimet tregojnë se armët dyshohet të jenë poseduar me qëllim trafikimi. Policia vijon punën për identifikimin e personave të tjerë të përfshirë në këtë veprimtari kriminale. Materialet procedurale iu referuan Prokurorisë së Durrësit për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
