Policia Rrugore e Vlorës ka ndërmarrë një aksion intensiv kontrollesh duke vendosur gjithsej 2,407 gjoba dhe duke arrestuar apo proceduar penalisht 11 drejtues mjetesh gjatë 2 javëve të para të muajit shtator.
Në fokus të kontrolleve të Policisë Rrugore janë drejtuesit e mjeteve që qarkullojnë me mjet, në efektin e alkoolit dhe/ose pa leje drejtimi, tejkalojnë shpejtësinë e lejuar apo kryejnë manovra të rrezikshme, shkelje që përbëjnë ndër shkaqet kryesore të ngjarjeve rrugore me pasoja.
Sipas njoftimit të policisë, 2 persona janë arrestuar për drejtim të mjetit, në gjendje të dehur; 3 janë proceduar penalisht për drejtim të mjetit, në efektin e alkoolit dhe 6 janë proceduar penalisht për drejtim të mjetit, pa leje drejtimi.
Gjithashtu, gjatë kësaj periudhe janë vendosur masa administrative për shkelje të ndryshme, si: 780 masa administrative për parkime të gabuara; 720 masa administrative për tejkalim të kufijve të shpejtësisë; 404 masa administrative për mospërdorim të kaskës mbrojtëse; 56 masa administrative për mospërdorim të rripit të sigurimit; 47 masa administrative për parakalime të gabuara; 37 masa administrative për xhama të zinj; 19 masa administrative për përdorim të celularit gjatë drejtimit të mjetit; 8 masa administrative për mosdhënie përparësie këmbësorëve; 336 masa administrative për shkelje të tjera të Kodit Rrugor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
