Një aksident i rëndë rrugor është regjistruar në aksin “Pogradec–Qafë Thanë”, ku si pasojë ka humbur jetën një 26-vjeçare nga Maqedonia e Veriut.
Sipas informacionit paraprak të policisë, rreth orës 11:30, një automjet me drejtues shtetasin G. H., banues në Korçë, është përplasur me një automjet tjetër me targa të huaja, të drejtuar nga shtetasi E. LL., banues në Maqedoninë e Veriut.
Si pasojë e përplasjes ka ndërruar jetë pasagjerja 26-vjeçare, E. Ll., banuese në Maqedoninë e Veriut, e cila ndodhej në automjetin me targa të huaja.
Nga aksidenti janë dëmtuar edhe drejtuesit e të dy automjeteve, si dhe dy pasagjerë të tjerë që ndodheshin në to.
Të lënduarit janë transportuar në spital, ku po marrin ndihmë mjekësore dhe ndodhen jashtë rrezikut për jetën.
Në vendngjarje ndodhet grupi hetimor, i cili po punon për zbardhjen e plotë të rrethanave dhe shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
