Zgjerohet lista e vendeve që i hapin dyert për shqiptarët pa asnjë kufizim.
Pas Holandës, Austrisë, Zvicrës e Belgjikës, tanimë edhe Spanja ka hapur kufijtë për turistët shqiptarë, duke mos kërkuar as test, as certifikatë vaksinimi.
Gjithçka duhet, sipas Aeroportit “Nënë Tereza” që ka nxjerrë njoftimin, janë bileta, pasaporta dhe maska.
Njoftimi i Aeroportit
Hiqen të gjitha kufizimet për qytetarët shqiptarë që duan të udhëtojnë në Spanjë.
As testi, as vaksinat nuk janë të detyrueshme. Mjafton bileta, pasaporta dhe maska.
Nëse 14 ditët e fundit keni vizituar vende të tjera përpara udhëtimit në Spanjë, ju duhet patjeter PCR i 48 orëve të fundit, vaksinat e miratuara nga EMA apo OBSH, apo vërtetim i autoriteteve shëndetësore që e keni kaluar Covid 19.
Ju faleminderit për bashkëpunimin,
Tirana International Airport
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
