Dy persona në Tiranë i vodhën nëpërmjet dhunës portofolin me para brenda një 39-vjeçari.
Shërbimet e Komisariatit të Policisë Nr. 4, në vijim të punës për goditjen e paligjshmërive në fushën e vjedhjes së pasurisë dhe vënien përpara përgjegjësisë ligjore të shtetasve që kryejnë këto vepra penale, kanë organizuar dhe finalizuar operacionin policor të koduar “Wallet”.
Si rezultat i tij u ndalua shtetasi P. S., 34 vjeç, banues në Tiranë, për veprën penale “Vjedhja me dhunë” kryer në bashkëpunim, dhe vijon puna për kapjen e bashkëpunëtorit të tij, shtetasit E. H.
Këta shtetas, në bashkëpunim me njëri-tjetrin, më datë 10 gusht, në rrugën “Xhanfize Keko”, i kanë vjedhur me dhunë portolfolin me shumën 1170 euro, një 39-vjeçari.
Në ngarkim të tyre materialet i kaluan Prokurorisë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
