“Përfituesit e amnistisë” festat do t’i kalojnë në qeli

Personat e dënuar që pritej të përfitonin nga amnistia e fundvitit do t’i kalojnë festat në qeli.

Edhe pse ministrja e Drejtësisë, Etilda Gjonaj njoftoi se projektligji për amnistinë e të dënuarve do të miratohej brenda muajit dhjetorit, kjo gjë nuk u bë e mundur pasi ky projektligj nuk është pjesë e axhendës së këtij muaj në Kuvend.

Pritet që projektligji të bëhet pjesë e seancave të janarit kur Kuvendi të rinisë punën.

Nga amnistia pritet të përfitojnë mbi 600 të dënuar, kryesisht gra, të mitur dhe të moshuar.

Herën e fundit që pati amnisti për të dënuarit ishte viti 2016.