Babë e bir janë arrestuar nga policia e Tiranës, pasi me mjetin me të cilin udhëtonin u janë gjetur 2 armë zjarri automatik 1 armë gjahu dhe municion luftarak.
Në kuadër të operacionit ‘Parandalimi’, u prangosën Skënder Jonuzi, 39 vjeç dhe djali i tij E. J., 16 vjeç, banues në Tiranë.
Shërbimet e Policisë Kriminale të Komisariatit të Policisë Nr. 2 kishin grumbulluar informacione se babë e bir po qarkullonin me një triçikël, me armë zjarri me vete.
Bazuar në këto prova, gjatë operacionit, në rrugën “Ali Kolonja” 39-vjeçari dhe djali i tij u vunë në pranga.
Po ashtu, për rastin është proceduar penalisht një 68-vjeçare e cila dyshohet se i ruante në banesën e saj armët e zjarrit të dy të arrestuarve.
Gjatë kontrollit në banesën e saj u gjet një armë gjahu pa leje, e cila u sekuestrua. Vijon puna për dokumentimin e plotë të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
