Një çift shqiptaro-grek është vënë në pranga nga policia greke, për veprën penale të prodhimit dhe shitjes së lëndëve narkotike. Mediat greke shkruajnë se ata u kapën me 12 kilogramë heroinë, ndërsa çifti është një shqiptar 33-vjeç dhe e dashura e tij greke, 27-vjeçe.
Autoritetet e policisë në Selanik mësohet se kishin informacion për transportimin e drogës me makinën që drejtohej nga shqiptari, ndaj dhe u ndaluan për kontroll. Droga ishte fshehur në gomën rezervë të makinës, e ndarë në 25 pako. Heroina dyshohet se do të shitej në Athinë e Selanik. Shqiptari i arrestuar mësohet se është me precedentë të mëparshëm penalë për grabitje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
