Arratisja e të paraburgosurit, Hajdarmataj: Drejtuesit vihen në shërbim të krimit (VIDEO)

Ish-drejtuesi i policisë Arben Hajdarmataj, për arratisjen e të paraburgosurit Altin Ndoci teksa kishte shkuar për vizitë në burgun e Durrësit, thotë se përgjegjësia kryesore bie mbi drejtorin e burgut. 

Në një intervistë për edicionin e lajmeve në MCN TV, ai deklaroi se mund të jetë e gjithë sstruktura e inkriminuar dhe një person i vetëm nuk e zgjidh problemin. 

Sipas tij, faktet kanë treguar se drejtuesit e këtyre institucioneve janë vënë shpesh në shërbim të grupeve kriminale. 

A janë elementet dhe mundësitë praktike dhe logjistika që garanton sigurinë në burgje? Apo vetë drejtuesit e këtyre IEVP-ve duan t’i shkelin këto rregulla? Unë mendoj se janë të gjitha kushtet e sigurisë dhe rregullores. 

 

Mbase organika e personelit mund të ketë ndonjë mangësi. Në kompleksitetin e saj, gjithë infrastruktura si logjistike, si nga ana e funksioneve dhe dokumentacioneve për sigurinë në burgje, janë të plotësuara. 

 

Drejtuesi ka përgjegjësinë kryesore, por nëse nuk është në dorën e drejtuesit që t’i filtrojë vetë efektivët që do punojnë në këtë repart, por ia çojnë dhe emërojnë, në një farë mase përgjegjësia për përzgjedhjen nuk i bie atij, por përgjegjësia për mbikëqyrjen është e tij.

 

 Por përgjegjësia kryesore nuk është e tij. Se mund të jetë e gjithë struktura e inkriminuar dhe një person i vetëm nuk e zgjidh dot. I gjithë sistemi ka kaq shumë probleme dhe mangësi, sa një njeri i vetëm sa do i përkushtuar të jetë nuk e zgjidh dot. 

 

Gjithë struktura është e inkriminuiar, faktet po dalin përditë. Kemi drejtues të lartë të policisë së shtetit që janë të inkriminuar dhe akuzuar. 

 

Nuk është se vetëm një person i caktuar i shërben një grupi kriminal, por problemi është se humb besimi te gjithë struktura e Policisë së Shtetit apo te Policia e Burgjeve. Faktet kanë treguar se drejtuesit e këtyre institucioneve janë vënë shpesh në shërbim të grupeve kriminale.