Një aksident është regjistruar në aksin nacional Berat-Skrapar, në fshatin Vërtop.
Mjeti tip ‘Audi’, me targa AA 723 LK, që drejtohej nga një 28-vjeçare është rrëzuar nga ‘Ura e Vërtopit’ dhe ka përfunduar disa metra poshtë në zhavorrin e lumit Osum edhe pse nuk ka pasur prurje.
Si pasojë e rrëzimit drejtuesja e mjetit Anxhela Ibra 28-vjeçe, është plagosur rëndë, ndërkohë që pasagjeri që udhëtonte me të nuk ka pësuar lëndime.
Në vendngjarje kanë mbërritur forca të ushtrisë dhe policisë, të cilët kanë nxjerrë nga makina 28-vjeçaren.
E plagosura është transportuar fillimisht drejt Spitalit Rajonal të Beratit ku pasi ka marrë mjekimin e parë është transportuar me urgjencë drejt Spitalit të Traumës në Tiranë.
Policia është duke punuar për zbardhjen e shkaqeve të aksidentit të rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
