Shiste kokainë dhe kanabis, arrestohet i riu në Tiranë

Një i ri në Tiranë i cili shiste kokainë dhe kanabis në doza, është vënë në prangat e policisë.

Mbi bazën e informacioneve të siguruara në rrugë operative se një shtetas shiste lëndë narkotike në zonën e quajtur “Ish-parku i autobusëve”, Seksioni për Hetimin e Narkotikëve finalizoi operacionin policor të koduar “Parku”, në kuadër të të cilit u vu në pranga  Aleksandro Maliqaj, 23 vjeç, banues në Tiranë. 

Gjatë operacionit, në rrugën “Frosina Plaku”, efektivët e policisë e kanë kapur 23-vjeçarin, të cilit gjatë kontrollit fizik dhe në banesë, i gjetën 265 gramë lëndë të dyshuar narkotike kokainë të ndarë në sasi të vogla/doza, gati për shitje, dhe një sasi lënde të dyshuar narkotike kanabis. 

Ndaj të dyshuarit materialet i kaluan Prokurorisë, për veprime të mëtejshme.