Elbasan, përfshihen nga flakët dy makina në pronësi të një personi

Dy makina përkatësisht të tipit “Audi” dhe “Volkswagen” janë përfshirë nga flakët në orët e para të mëngjesit në zonën e Bradasheshit, në Elbasan.

Sipas burimeve automjetet janë në pronësinë e shtetasit Egli Hazisllarit.

Pas njoftimit, në vendngjarje kanë mbërritur shërbimet zjarrfikëse dhe forcat e policisë, të cilat kanë bërë të mundur shuarjen e flakëve dhe izolimin e zonës për të shmangur rrezikun e përhapjes së zjarrit.

Nuk raportohet për persona të lënduar, ndërsa dëmet materiale janë të konsiderueshme, veçanërisht për automjetin “Volkswagen”, i cili është djegur tërësisht.

Grupi hetimor, ka nisur hetimet për të përcaktuar shkakun e rënies së zjarrit dhe për të sqaruar nëse bëhet fjalë për një defekt teknik, zjarr aksidental apo një ngjarje të qëllimshme.