Një person i shpallur në kërkim është arrestuar nga Policia e Tiranës gjatë mbrëmjes së sotme. Sipas policisë, gjatë aksionit të forcave “Shqiponja”, është ndalur një makinë me drejtues A. O., 32 vjeç, dhe pasagjer shtetasin G. K., 35 vjeç.
Pas verifikimeve të bëra ka rezultuar se G.K., ishte shpallur në kërkim për veprat penale “Kanosja”, “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.
Në pranga ka rënë Gazment Kusta, i shpallur në kërkim për ngjarjen e 17 shkurt 2021, ku së bashku me tre persona të maskuar u futën brenda një lokali me armë dhe shkop bejsbolli për të dhunuar Elvis Elezin, në Fushë-Krujë. Arrestimi është bërë pak më parë në Tiranë në zonën e Kodrës së Priftit.
Njoftimi i policisë:
DVP Tiranë/Kontrolle të befasishme për kapjen e personave të shpallur në kërkim dhe vënien e tyre para përgjegjësisë ligjore.
Kapet dhe vihet në pranga 1 shtetas i shpallur në kërkim.
Shkon në 4 numri i personave të shpallur në kërkim, të kapur gjatë ditës së sotme.
Shërbimet e Forcës së Posaçme “Shqiponja”, në vijim të punës për goditjen e paligjshmërive, mbështetur në inteligjencë informative, mbi vendndodhjen e një shtetasi në kërkim, kanë organizuar punën për kapjen e tij.
Në Rrugën e Kokonozëve, shërbimet e Forcës së Posaçme “Shqiponja”, kanë ndaluar mjetin me drejtues shtetasin A. O., 32 vjeç, dhe pasagjer shtetasin G. K., 35 vjeç.
Pas verifikimeve të kryera ka rezultuar se 35-vjeçari ishte shpallur në kërkim për veprat penale “Kanosja”, “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.
Materialet i kaluan Prokurisë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
