Aksidentoi për vdekje 61-vjeçaren/ Arrestohet shoferi në Tiranë

Policia e Tiranës në raportin e 24 orëve të fundit ka njoftuar arrestimin e një personi, i cili ka aksidentuar për vdekje një grua në Tiranë.

Specialistët e Komisariatit të Policisë Rrugore kanë vënë në pranga shtetasin - A. S., 39 vjeç, banues në Tiranë, pasi në rrugën "Konferenca e Pezës", duke drejtuar automjetin, ka aksidentuar shtetasen L. N., 61 vjeçe, e cila është dëmtuar dhe ka ndërruar jetë më pas, në spital;

Poashtu sipas njoftimit, në dy raste tjera, Policia ka arrestuar shtetasit - M. A., 30 vjeç, banues në Tiranë, pasi duke drejtuar automjetin, ka përplasur motomjetin me drejtues shtetasin E. P., 22 vjeç, i cili si pasojë është dëmtuar dhe ndodhet në spital, nën kujdesin e mjekëve;

- K. N., 18 vjeç, banues në Tiranë, pasi duke drejtuar motomjetin, pa leje drejtimi, ka humbur kontrollin mbi drejtimin e tij dhe motomjeti ka dalë nga rruga. Si pasojë janë dëmtuar shtetasi K. N. dhe pasagjeri në motomjet, shtetasi J. D., të cilët ndodhen jashtë rrezikut për jetën.