Një ngjarje e rëndë ka ndodhur në ishullin e Kretës në Greqi, ku një fëmijë me origjinë shqiptare është mbytur në det.
Sipas mediave greke, djali i mitur i moshës 7 vjeçare u mbyt teksa po notonte në det në zonën e Arvit.
Vogëlushi i quajtur Nikolas ishte me nënën e tij, ndërsa shtëpia e tyre ndodhet pak metra larg plazhit.
I mituri kërkoi të futej në det, por nëna nuk e lejoi për shkak të dallgëve. Mesa duket, ai i shpëtoi vëmendjes së nënës dhe u largua, por fatkeqësisht u mbyt si pasojë e detit të trazuar.
Ka qenë një banor i zonës që pa vogëlushin në det që qëndronte përmbys pa ndjenja dhe menjëherë ngriti alarmin.
Vogëlushi u transportua me urgjencë për në spital, por pavarësisht përpjekjeve nga ana e mjekëve, vogëlushi nuk ia ka dalë të mbijetojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
