Në njoftimin e sotëm për media, Policia e Shtetit ka bërë me dije nga operacioni i koduar 'Five', janë arrestuar pesë persona dhe një tjetër është proceduar penalisht në Tiranë dhe në Kavajë.
Pesë persona janë vënë në pranga pasi akuzohen për ushtrimin e veprimtarisë së lojërave të fatit.
Ata u kapën në flagrancë duke ushtruar aktivitetin e paligjshëm të lojërave të fatit (basteve sportive), nëpërmjet aparateve celulare.
Njoftimi:
Finalizohet operacioni policor i koduar "Five", nga strukturat e DVP Tiranë. Vihen në pranga 5 shtetas, procedohet penalisht 1 tjetër. Strukturat e DVP Tiranë, në vijim të punës për goditjen e paligjshmërisë në fushën e lojërave të fatit, bazuar dhe në informacione të marra në rrugë operative, kanë organizuar kontrolle në lokale dhe ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve janë evidentuar dhe goditur 5 raste të kësaj veprimtarie. Në përfundim të veprimeve hetimore për këto raste u arrestuan në flagrancë shtetasit:
- E. E., 30 vjeç, A. K., 32 vjeç, R. Xh., 32 vjeç, L. J., 23 vjeç, A. Rr., 45 vjeç, si dhe u procedua penalisht shtetasi A. Sh., 30 vjeç. Gjatë kontrolleve të ushtruara nga shërbimet e Policisë, në 5 lokale të ndryshme, në Tiranë dhe në Kavajë, këta shtetas u kapën në flagrancë duke ushtruar aktivitetin e paligjshëm të lojërave të fatit (basteve sportive), nëpërmjet aparateve celulare. Materialet procedurale i kaluan Prokurorisë, për veprime të mëtejshme
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
