Avionët kinezë po fluturonin mbi ishullin Pingtan të kontinentit, i cili shtrihet përtej ngushticës së Tajvanit nga Tajvani verior dhe është një nga pikat më të afërta në kontinent me ishullin.
Fotografitë tregojnë se avionët janë të armatosur me raketa.
Kina lëshoi gjithashtu raketa rreth Tajvanit nga ishulli Pingtan të enjten.
Ndwrkohe Kina ka thirrur ambasadorin japonez në Pekin si dhe diplomatët evropianë në vend për të protestuar ndaj deklaratave të lëshuara nga G7 dhe BE që kritikuan stërvitjet e saj ushtarake rreth Tajvanit, raporton BBC.
Zëvendësministri Deng Li i quajti deklaratat “të gabuara” dhe kundërshtoi “ndërhyrjen e qëllimshme në punët e brendshme të Kinës”, tha të premten Ministria e Jashtme.
Të enjten, Kina anuloi gjithashtu një takim të ministrave të jashtëm me Japoninë për të protestuar ndaj deklaratës së G7, e cila i kërkoi Pekinit të mos “përpjekje për të ndryshuar në mënyrë të njëanshme status quo”.
Më 3 gusht, në kohën kur kryekongresmenja amerikane, Nancy Pelosi, po zhvillonte vizitën e saj në Taipei, 27 avionë ushtarakë e mësynë hapësirën ajrore të Tajvanit dhe lajmin e ka konfirmuar vetë Ministria e Mbrojtjes tajvaneze.
Pelosi u tha udhëheqësve të Tajvanit se Uashingtoni nuk do të heqë dorë nga angazhimi ndaj ishullit vetëqeverisës, pavarësisht kundërshtimit nga Kina.
Sipas itinerarit të shpalosur, kanë qenë gjashtë avionë të llojit J-11, pesë të llojit J-16 dhe 16 të llojit SU-30.
Në bazë të një harte të shfaqur nga autoritetet tajvaneze, avionët kanë kaluar në ngushticën detare pranë Tajvanit, në zonën e cilësuar si hapësirë e mbrojtjes ajrore tajvaneze.
Tajvani tha se masa, e cila ndalon anijet dhe avionët të përdorin hapësirën, shkel sovranitetin e saj dhe përbën një bllokadë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
