Gjykata e Apelit, ka lënë në fuqi vendimin e Gjykatës së Shkallës së Parë për masën e sigurisë “arrest me burg” për prokurorin e Sarandës, Sali Hasa dhe katër të tjerët.
Ndaj Hasёs u kёrkua procedim penal pas hetimeve të nisura gushtin e kaluar, për një grup trafikantësh të lëndëve narkotike.
Përveç Hasës, në pranga janë vënë edhe pesë persona të tjerë me akuzën e korrupsionit, përcaktimi i rezultateve në garat sportive si dhe ekspertim i rremë.
Përkatësisht bëhet fjalë për Qerim Ruçin, arbitër i ndeshjeve të futbollit. Ruçi akuzohet për kryerjen e veprës penale të “Paracaktimi i rezultateve në garat sportive”.
Bledar Hajredini, zyrtar i klubit sportiv SHS “Përmeti” akuzohet për “Paracaktimi i rezultateve në garat sportive”.
Julian Zera dhe Emiljano Mirani akuzohen për “Ushtrimi i ndikimit të paligjshëm ndaj personave që ushtrojnë funksione publike”.
Hetimet treguan se Hasa ka pushuar akuzën e plagosjes për Emiljano Miranin, pasi ka marrë një shumë parash nga motra e tij, Elsona Papa që po hetohet nën masën e arrestit shtëpiak.
Një rast tjetër është ai i oficerit të Policisë Gjyqësore, Napolon Hodaj, që dyshohet se në bashkëpunim me ish-ekspertin mjeko-ligjor, Hysen Korenica kanë ndikuar për t’i lehtësuar akuzën një të arrestuari për “Vjedhje me dhunë” dhe “Plagosje”.
Më 19 qershor, Prokuroria e Posaçme Kundër Korrupsionit dhe Krimit të Organizuar arrestoi prokurorin Hasa.
SPAK-u, më herët, deklaroi se hetimet për këtë grup të strukturuar kriminal kanë nisur që në vitin 2020.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
