Korea e Veriut ka kryer atë që mendohet të jetë lëshimi i raketave më të mëdha që nga viti 2017.
Arma ishte me sa duket një raketë me rreze të mesme e cila arriti një lartësi prej 2,000 km përpara se të zbriste në Detin e Japonisë.
Japonia, Korea e Jugut dhe SHBA-të e kanë dënuar lëshimin, testin e shtatë këtë muaj, raporton BBC.
Organizata e Kombeve të Bashkuara (OKB) ka vendosur sanksione ndaj Korenë e Veriut nga testet e armëve balistike dhe bërthamore dhe ka vendosur sanksione të rrepta.
Megjithatë shteti i Azisë Lindore kundërshton ndalimin dhe udhëheqësi i vendit, Kim Jong-un është zotuar të forcojë mbrojtjen e vendit të tij.
Këshilli i Sigurisë Kombëtare i Koresë së Jugut tha se testi i së dielës ishte një raketë balistike me rreze të mesme veprimi (IRBM), e cila do të ishte raketa më e madhe e testuar që nga nëntori 2017.
Zyrtarët japonezë dhe koreano-jugorë vlerësuan se raketa arriti një lartësi prej 2 mijë kilometra (1240 milje) dhe fluturoi për 30 minuta në një distancë prej 800 kilometër (500 milje).
Kjo foto e siguruar nga qeveria e Koresë së Veriut, tregon atë që thotë një lëshim provë i një rakete hipersonike në Korenë e Veriut më 5 janar 2022.
Shtetet e Bashkuara i bënë thirrje Koresë së Veriut që të “përmbahet nga aktet e mëtejshme destabilizuese”, në një deklaratë të lëshuar nga Komanda Indo-Paqësorit e ushtrisë amerikane.
Janari ishte tashmë një nga muajt më të ngarkuar të regjistruar për programin e raketave të Koresë së Veriut, me disa raketa me rreze të shkurtër të lëshuar në det.
Presidenti i Koresë së Jugut, Moon Jae-in, tha se “stuhia e fundit e testeve të raketave të kujtonte tensionet e rritura në 2017”, kur Koreja e Veriut kreu disa teste bërthamore dhe lëshoi raketat e saj më të mëdha, duke përfshirë disa që fluturuan mbi Japoni.
Në vitin 2018, Kim njoftoi një moratorium për testimin e armëve bërthamore ose raketave balistike ndërkontinentale me rreze të gjatë veprimi (ICBM).
Udhëheqësi i Koresë së Veriut tha në vitin 2019 se ai nuk është më i detyruar nga moratoriumi.
SHBA vendosi më shumë sanksione ndaj Koresë së Veriut në fillim të janarit, në përgjigje të lëshimeve të mëparshme të raketave. Bisedimet mes dy vendeve kanë ngecur që kur presidenti amerikan Joe Biden mori detyrën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
