Komisioni i Pavarur i Kualifikimit konfirmoi në detyrë gjyqtarin e Gjykatës së Tiranës, Kujtim Vraniçin.
Trupa e Komisionit të Pavarur të Kualifikimit e kryesuar nga Olsi Komici, me relatore Firdes Shulin dhe anëtare Xhensila Pine, në përfundim të procesit rivlerësimit të figurës, pasurisë dhe profesionalizmit të gjyqtarit të Tiranës, Vraniçi, vendosën konfirmimin e tij në detyrë.
Gjyqtari i Gjykatës së Tiranës u përball të hënën me Komisionin e Pavarur të Kualifikimit, KPK, kur gjatë seancës dëgjimore dha shpjegime të përmbledhura për gjetjet në kriterin e pasurisë dhe të profesionalizmit, në të cilat Komisioni nuk konstatoi probleme domethënëse.
Për pastërtinë e figurës Vraniçi mori vlerësim pozitiv.
Kujtim Vraniçi e ka nisur karrierën në sistemin e drejtësisë si ndihmës ligjor në Gjykatën e Lartë, ku punoi gjatë viteve 2003-2013.
Në vitin 2014, ai u emërua inspektor në Këshillin e Lartë të Drejtësisë, ndërsa në vitin 2016 u emërua gjyqtar në Gjykatën e Tiranës, ku vazhdon ta ushtrojë funksionin edhe aktualisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
