Një 50-vjeçar ka ndërruar jetë si pasojë e aksidentit të ndodhur pasditen e djeshme në Durrës. Një makinë tip “Benz” e cila qarkullonte me shpejtësi të lartë është përplasur me një motomjet dhe më pas me një biçikletë. Për pasojë ka humbur jetën 50-vjeçari që po lëvizte me biçikletë. Drejtuesi i mjetit është larguar menjëherë nga vendngjarja duke u shpallur në kërkim nga uniformat blu.
“Rreth orës 17:30, në lagjen 14/1 Durrës, një automjet me drejtues shtetasin L. Z, është përfshirë në një aksident me një motomjet me drejtues shtetasin Sh. S, dhe një biçiklist shtetasin F. Gj. Si pasojë e përplasjes ka humbur jetën shtetasi F.Gj, rreth 50 vjeç. Drejtuesi i automjetit shtetasi L. Z, është larguar nga vendi i ngjarjes dhe vijon puna për kapjen e tij. Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit”, thote policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
