Prokuroria e Tiranës dorëzoi pak minuta me parë në gjykatë kërkesat për caktimin e masave të sigurisë ndaj protestuesve të arrestuar me 8 janar te PD.
Nga 34 të arrestuar në kushtet e flagrancës policia kërkoi hetimin e 18 prej tyre në gjendje të lirë. Mosha e tyre shkon nga 19 vjeç deri në 52 vjeç.
Të arrestuarit janë protestues, mbështetës të Berishës, por edhe mbështetës të Bashës që kanë qenë në selinë blu. Prokuroria ka ngritur ndaj tyre akuzat “Organizimi dhe pjesëmarrja në grumbullime e manifestime të paligjshme”, "Prishja e qetësisë publike", “Pengimi i qarkullimit të mjeteve të transporti", "Shkatërrimi i pronës" dhe "Prodhim, mbajtje, blerje apo shitje e armëve të ftohta".
Gazmend Bardhi dhe Flamur Noka janë marrë nën hetim, për organizimin e mbrojtjes me gaz lotsjellës dhe fikse zjarresh dhe tjetri për organizimin e protestës.
Prokurorët thanë se për një pjesë të madhe prej të arrestuarve, policia do të kërkojë lirimin e menjëhershëm. Mes tyre ka dhe shumë fëmijë të moshës 13-15 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
