Një djalë i ri nga Gramshi ka përfunduar në prangat e policisë për shkak të një pistolete lodër dhe simulimit në përdorim, si të ishte e vërtetë.
Policia e Elbasanit bën të ditur se ka arrestuar 19-vjeçarin me iniciale F. B., banues në Gramsh, për veprën penale “Kanosja”.
I riu akuzohet se ka kanosur për motive të dobëta, shtetasin G. Ç., me një pistoletë lodër, e cila u sekuestrua në cilësinë e provës materiale.
Lidhur me këtë ngjarje hetimet janë në vijim, ndërkohë që materialet iu referuan Prokurorisë së Elbasanit, për ndjekje të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
