Një tjetër kandidaturë për postin e kreut të prokurorisë së posaçme SPAK.
Pak ditë pasi prokurori Ardian Xholi dorëzoi kandidaturën për postin e drejtuesit të hetimeve, Edvin Kondili është paraqitur paraditen e sotme për të dorëzuar kandidaturën e tij.
Deri më tani për vendin e Arben Krajës, janë dy kandidatë në garë të cilët synojnë drejtimin e hetimeve në Prokurorinë e Posaçme.
Kondili ka synuar edhe në vitin 2019 drejtimin e SPAK, por fitues doli Arben Kraja.
Edvin Kondili aktualisht është prokuror në SPAK, ndërsa nga viti 2004 deri në vitin 2019, ka qenë prokuror pranë Prokurorisë së Krimeve të Rënda.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
