Detaje të reja kanë dalë nga aksidenti tragjik i ndodhur pasditen e së martës në Maliq, ku humbi jetën një person. Sipas informacioneve të policisë, ngjarja ka ndodhur në afërsi të kryqëzimit të fshatit Drithas, në aksin Korçë-Maliq. Automjeti ka përplasur dy vëllezër që udhëtonin me biçikletë në këtë aks.
Dy vëllezërit po udhëtonin nga Drithasi në drejtim të fshatit Libonik, ndërsa si pasojë e përplasjes një prej vëllezërve ka humbur jetën. Viktima është identifikuar si Rolaand Shahinasi.
Ndërkohë vëllai tjetër ka shpëtuar pa lëndime. Drejtuesi i mjetit është larguar nga vendi i ngjarjes, ndërsa policia po punon për identifikimin e tij.
Rruga ka mungesë të sinjalistikës dhe ndriçimit në afërsi të këtij kryqëzimi, çka e bën të vështirë qarkullimin e mjeteve dhe rrit rrezikun për aksidente. Sipas policisë, drejtuesi i mjetit ka qenë duke lëvizur me shpejtësi tej normave të lejuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
