Dy persona janë vënë në prangat e policisë së Tiranës të akuzuar për shpërndarje kokaine dhe kanabisi.
Efektivët e komisariatit Nr. 3 në kryeqytet, bazuar në informacionet e siguruara për një rast të shitjes së lëndëve narkotike, në rrugën “Mahmut Bobrati” bënë arrestimin e E. F., 43 vjeç dhe I. K., 37 vjeç, të dy banues në Tiranë.
Gjatë kontrollit, shërbimet e policisë i kanë gjetur të dyshuarve, sasi dhe doza të lëndëve të dyshuara narkotike kokainë dhe kanabis, dy thika dhe dy pistoleta sportive, të cilat u sekuestruan në cilësinë e provës materiale.
Nga hetimet dyshohet se këta shtetas, pasi siguronin lëndë narkotike, e ndanin në doza në një ambient në përdorim nga shtetasi E. F. dhe më pas i shitnin ato në zona të ndryshme të Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
