Godet për shkak të detyrës kryetarin e Njësisë Administrative, pranga tepelenasit

Një person ka përfunduar në prangat e policisë së Tepelenës, pasi goditi për shkak të detyrës administratorin e Njësisë Administrative Luftinjë.

Si të dyshuar për ngjarjen e ndodhur këtë të diel, uniformat blu vunë në pranga I. H., 40 vjeç, banues në fshatin Izvor, Memaliaj.

I ndaluari akuzohet se për shkak të detyrës ka goditur me grusht, në fytyrë, A. H., 48 vjeç, banues në fshatin Izvor, me detyrë administrator i Njësisë Administrative Luftinjë. 

Ndaj 40-vjeçarit, hetimet janë në vijim, ndërkohë që materialet iu referuan Prokurorisë Gjirokastër për veprën penale “Goditje për shkak të detyrës”.