Avokati Roland Islami, ka komentuar edhe aksionet e policisë kundër grupeve kriminale të shpërndarjes së drogës në Shqipëri. Ai tha se konsideron burimin e vërtetë të trafikut të drogës në Shqipëri, Portin e Durrësit.
Avokati ka ngritur akuza, duke pretenduar se shumë persona kanë bërë burg pa të drejtë për kontejnerët e bananeve, ndërsa ka zbuluar një histori personale tronditëse lidhur me bashkëshorten e tij, e cila sipas tij u pushua nga puna sapo vendosi kontrolle të rrepta.
Por në fund të fundit kemi të bëjmë me një port, porti i Durrësit, deri para ca kohësh vinte kokaina me kontejnerë të bananeve dhe asnjë nga ato firma nuk e sillte, kjo është e verifikuar. Ata pronarët e atyre firmave kanë bërë edhe burg padrejtësisht. Ka pasur kontejnerë që edhe janë kthyer dhe personat që janë bërë shkak për kontrollin e tyre në port janë pushuar nga puna. Unë kam pasur rast, pasi gruaja ime administronte kompaninë e bananeve që u sekuestrua dhe kërkoi që çdo arkë banane të kontrollohet me qen dhe nuk hyri më asnjë lëndë nga kontejnerët e bananeve. Ajo u pushua nga puna dhe kur ajo iku nuk u kontrolluan më kontejnerët me banane.
Avokati komentoi edhe arrestimet e sotme për shpërndarjen e drogërave në shkolla.
Vetë krimi i organizuar përdor mosha të reja që s'i kap ligji për të shpërndarë lëndë narkotike. Ne nuk e prodhojmë kokainën, janë përzierje që i merr në farmaci veterinare, shkojmë në një farmaci veterinare dhe aty merr ketamin. Ne sot kemi politikë shtetërore fasadë për t'i treguar qytetarëve se kemi bërë arrestime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
