Këtë të shtunë në shtetin grek u regjistrua një krim i rëndë, protagonistë të së cilit një çift shqiptarësh. Qamil Taja, 25 vjeç, qëlloi për vdekje bashkëjetuesen e tij 19-vjeçare, e identifikuar si Kristjana Brakaj. Shkak dyshohet të ketë qenë xhelozia e të riut, ndërsa ngjarja ndodhi orët e para të mëngjesit.
Në rrjete sociale, 25-vjeçari që kreu vrasjen, ishte aktiv duke postuar materiale të ndryshme.
“Ti kurrë nuk je jashtë mendjes sime, çdo gjë e imja të përket ty. Ti kurrë nuk ike, tek unë ke ekzistuar. Vendi i parë do të jesh gjithmonë ti”, shkruhet në një prej postimeve të tij në Facebook.
Nga hetimet e kryera, ka rezultuar se autori e ka qëlluar disa herë të dashurën e tij, duke i shkaktuar plagë në kokë dhe në gjoks. Si pasojë, 19-vjeçarja ka ndërruar jetë menjëherë. Çifti banonte në një hyrje në lagjen Kaminia të Pireut. Brenda banesës së tyre u gjet edhe trupi i viktimës.
Siç ka rrëfyer vetë 25 vjeçari në polici, ai ka qenë xheloz dhe nën efektin e kokainës, ka nxjerrë pistoletën që ua kishte marrë një vit më parë disa rumunëve dhe e ka qëlluar në kokë. Sapo ka kuptuar se çfarë ka bërë, ka lajmërëruar policinë dhe ka rrëfyer krimin.
Fqinjët e tij kanë rrëfyer për mediat greke se kishin dëgjuar zënka të shpeshta mes tyre dhe se vetëm një javë më parë, ishin përfshirë në një sherr të madh. Ngjarja e rëndë ka ndodhur pasi të dy ishin kthyer nga punët e tyre. Vajza punonte në një lokal nate në Kallithea ndërsa 25 vjeçari në një lokal në Troubë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
