Një ish-ushtar i Ushtrisë Çlirimtare të Kosovës, Bajram Emini, 55 vjeç, nga Ferizaji, është arrestuar në pikën kufitare të Bllacës, pas një fletarresti ndërkombëtar të lëshuar nga Beogradi.
Sipas informacionit të siguruar nga mediat në Koosvë, Emini ka dhënë dokumentin identifikues në policinë kufitare, dhe në sistem është paraqitur fletëarresti nga Serbia, me çka ai është ndaluar dhe arrestuar.
Pas arrestimit, Emini është dërguar në stacionin policor, ku aktualisht po pret vendimin e gjykatësit kujdestar për lirim apo paraburgim ekstradues.
Ndalimi i ish-ushtarit të UÇK-së ka ndodhur mesditën e sotme, rreth orës 14:30, në pikën kufitare të Bllacës.
Ky rast ndodh pas një ngjarje të ngjashme me Blerim Ramadanin, një tjetër ish-ushtar i UÇK-së nga Zona Operative e Nerodimes, i cili në korrik të vitit të kaluar u arrestua nga Policia e Maqedonisë së Veriut në Jazhincë, gjithashtu për një fletarrest të lëshuar nga Serbia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
