Policia e Fierit ka goditur dy raste të tjera të organizimit të lojërave të fatit në lokale. Në pranga ka rënë një 38 vjeçar, pronar i lokalit në fshatin Shën Pjetër, ku ushtronte këtë veprimtari të paligjshme.
Në kërkim është shpallur pronari i lokalit tjetër në lagjen “Kastriot”, i cili gjithashtu vinte baste sportive.
Ndërkohë nën hetim janë vënë edhe dy persona të cilët u kapën duke vendosur baste sportive.
U sekuestruan gjithashtu 5 televizorë, 2 celularë, 2 laptopë, 1 tablet, 1 monitor, 1 skaner dhe 1 printer për bileta, 19 bileta bastesh, si dhe rreth 30 000 lekë që i shërbenin kësaj veprimtarie të kundërligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
