Shiste drogë në shkolla/ Arrestohet 28-vjeçarja sapo shkel në Rinas

Ndalohet në Rinas një shtetase e shpallur në kërkim në kuadër të megaoperacionit policor të koduar “Harta”.

Arlinda Ramaj, pjesë e grupit të narkotrafikantëve që shisnin lëndë narkotike në shkolla është vënë në pranga nga Policia e Tiranës, sapo ka shkelur në Rinas.

E reja ishte larguar nga Shqipëria një javë para realizimit të operacionit dhe në momentin që shokët e saj u prangosën, u shpall në kërkim.

Rinas

Kapet dhe ndalohet një shtetase e shpallur në kërkim në kuadër të megaoperacionit policor të koduar “Harta”.

Shërbimet e Policisë Kufitare Rinas, në vijm të kontrolleve për kapjen e shtetasve ne kërkim që tentojnë të hyjnë apo të dalin nga territori i RSh-së, kanë ndaluar shtetasen A. R., 28 vjeçe, banuese në Tiranë.

Ndalimi i kësaj shtetaseje u bë pasi Prokuroria pranë Gjykatës së Rrethit Gjyqësor Tiranë, në zbatim të vendimit të kësaj Gjykate, ka lëshuar urdhër ndalimi, për veprën penale "Prodhimi dhe shitja e narkotikëve”, kryer në bashkëpunim.   

Shtetasja A. R. ishte shpallur në kërkim në kuadër të megaoperacionit të koduar “Harta”, që goditi 2 grupe që shpërndanin lëndë narkotike kanabis, heroinë dhe kokainë, në lokale nate dhe në afërsi të shkollave, në zona të ndryshme të Tiranës. 

 Materialet i kaluan Prokurorisë, për veprime të mëtejshme.