Policia e Tepelenës bën të ditur se shtetasi 35 vjeç nga Tepelena, pas një konflikti për motive të dobëta, ka plagosur me mjet prerës, kunatin e tij, 40 vjeç, banues në fshatin Hormovë, Tepelenë.
Pas transportimit në Spitalin Rajonal Gjirokastër, është bërë i mundur arrestimi i autorit.
Tepelenë/Informacion paraprak
Rreth orës 15:40, në lagjen "15 Shtatori", Tepelenë, dyshohet se shtetasi R. S., rreth 35 vjeç, banues në Tepelenë, ka goditur me mjet prerës, për motive të dobëta, kunatin e tij, shtetasin L. Sh., rreth 40 vjeç, banues në fshatin Hormovë, Tepelenë, i cili është transportuar në Spitalin Rajonal Gjirokastër dhe ndodhet nën kujdesin e mjekëve.
Shërbimet e Komisariatit të Policisë Tepelenë, falë veprimeve të shpejta dhe profesionale, kanë bërë të mundur kapjen e autorit të dyshuar të ngjarjes, shtetasit R. S. dhe shoqërimin e tij në ambientet e Komisariatit të Policisë Tepelenë, për kryerjen e veprimeve procedurale.
Grupi hetimor po punon për zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
