Një ngjarje e rëndë ka ndodhur mbrëmjen e sotme të Xhafzotaj të Durrësit, ku si pasojë e shpërthimit të një bombole të gazit kanë mbetur të lënduar tre persona.
Sipas informacioneve paraprake, shtetasit Q. M., 60 vjeç, B. M., 45 vjeçe dhe B. M., 17 vjeçe, janë transportuar menjëherë në spital për të marrë ndihmën e shpejtë mjekësore.
Në vendin e ngjarjes ka shkuar policia dhe forcat zjarrëfikëse, që bënë të mundur shuarjen e flakëve dhe evakuimin e banorëve të tjerë.
Njoftimi i policisë:
Më datë 16.09.2021, në orën 19:15, në Xhafzotaj, Durrës, dyshohet si pasojë e shpërthimit e një bombule gazi në banesë, janë lënduar shtetasit Q. M., 60 vjeç, B. M., 45 vjeçe dhe B. M., 17 vjeçe, banues në Xhafzotaj, Shijak, të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
