Gjykata e Vlorës ka caktuar masën e sigurisë “Arrest me burg” për shtetasin Emiljano Lika, drejtuesi i gomones që po transportonte 50 shtetas sirianë drejt Italisë mbrëmjen e datës 8 janar.
Prokuroria e përfaqësuar nga Hyrjet Lamaj kërkoi “arrest me burg” për Likën, kërkesa e cila u pranua nga trupi gjykues. Dy javë me parë, u vunë në pranga 2 personat përgjegjës për strehimin e sirianëve, përkatësisht pronari i një hoteli në Tiranë dhe pronari i një banese në fshatin Trevllazër, Vlorë.
Sirianët pasi ishin fshehur në Vlorë, të ndihmuar nga personat e arrestuar dhe të tjerë po tentonin që të kalonin me gomone në Itali, por kushtet e motit e vështirësuan situatën duke bërë që të kërkojnë ndihmë pasi rrezikuan mbytjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
