Në kërkim të vrasësit të Aleksandër Shkamit, ngjarje e ndodhur një javë më parë, policia e Shkodrës ka vënë në pranga vëllain e tij. Sipas policisë, gjatë kontrolleve të ushtruara në banesën e tij për Artur Koçekun, në fshtin Grudë e Re, është vënë në pranga i vëllai, Klaudio Koçeku, 25 vjeç.
Arrestimi i 25-vjeçarit erdhi pasi policia gjeti në banesë lëndë narkotike dhe armë zjarri. Gjatë kontrollit të banesës u gjetën: 11 thasë, dhe 2 bidona, me peshë 141 kg lëndë narkotike kanabis sativa, 4 automatikë model 56, 1 çifte, 1 pushkë snajper me dy fishekë, 6 krehra me fishekë model 56, 1 shkop gome 2 palë pranga policie, 1 silenciator, 1 thikë dhe 60 fishekë çifte 12 mm, 1 peshore, 10 fishekë model 54. Policia dyshon që armët dhe municionet janë përdorur për ngjarje kriminale të tjera, të cilat do t’i nënshtrohen ekzaminimit balistik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
