Një i ri i cili ndezi zjarr dhe për pasojë u dogj një sipërfaqe e madhe me bimësi në Lurë, është identifikuar dhe shpallur në kërkim nga policia.
Me datë 28.08.2023, Policia e Dibrës ka marrë njoftim se në një zonë me bimësi në Lurë, kishte rënë zjarr dhe si pasojë e erës zjarri po përhapej, menjëherë kanë shkuar në adresën e dhënë ku në bashkëpunim me shërbimin zjarrfikës, për shkak të terrenit të vështirë, pas shumë orësh pune kanë bërë të mundur fikjen e zjarrit.
Në vijim të hetimeve të thelluara për të identifikuar dhe vënë përpara përgjegjësisë ligjore autorin e zjarrvënies, specialistët për Hetimin e Krimeve të Policisë Dibër, kanë shpallur në kërkim dhe po punojnë intensivisht për lokalizimin dhe kapjen e shtetasit S.K., 32 vjeç, banues në Lurë, pasi dyshohet se është autori i zjarrvënies, ku si pasojë u dogj një sipërfaqe prej 5 hektarë me bimësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
