Një sherr mes tre të rinjve në Shkodër ka përfunduar me dy persona të plagosur dhe një të shpallur në kërkim.
Si i dyshuar u shpall në kërkim një shtetas të mitur, 17 vjeç, për veprat penale “Vrasje në rrethana të tjera cilësuese”, e mbetur në tentativë, “Prodhimi, mbajtja, blerja apo shitja pa leje e armëve të ftohta” dhe “Prodhimi dhe shitja e narkotikëve”.
Ai akuzohet se më 3 prill, në lagjen “Qemal Stafa”, është konfliktuar me shtetasit E. P., 19 vjeç, dhe E. Sh., 18 vjeç.
Si pasojë, këta dy shtetas kanë marrë dëmtime në trup me thikë, për motive të dobëta. Nga kryerja e veprimeve hetimore është bërë i mundur sekuestrimi i një aparati celular, i thikës dhe një sasie lënde narkotike kanabis.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
