Ekipi ligjzbatues i Ambasadës Amerikane, në bashkëpunim me Akademinë Shqiptare të Sigurisë dhe Policinë e Shtetit, ka trajnuar 32 Oficerë të Policisë Gjyqësore nga 12 rrethe në të gjithë vendin.
Përmes një njoftimi në rrjete sociale, Ambasada sqaron se trajnimi u krijua për të zhvilluar një sërë aftësish hetimore për krimet më të shpeshta të raportuara.
Ekipi i Ambasadës mori pjesë në ceremoninë e diplomimit të Kursit të Hetimit të Krimit.
Kursi është krijuar për të zhvilluar një sërë aftësish hetimore për krimet më të shpeshta të raportuara.
Ai u mbështet nga Departamenti i Drejtësisë i SHBA-ve, Programi Ndërkombëtar i Asistencës në Trajnimin e Hetimeve Kriminale (ICITAP) së bashku me Departamentin e Shtetit të SHBA-ve dhe Byronë e Çështjeve Ndërkombëtare të Narkotikëve dhe Zbatimit të Ligjit në Tiranë.
Ky është sesioni i katërt në një seri kursesh të hetimit penal të planifikuar për vitin 2024 për të certifikuar disa qindra oficerë të Policisë Gjyqësore në hetimet e krimit.
Që nga viti 2005, ICITAP ka mbajtur një partneritet të gjatë me Akademinë e Sigurisë duke kontribuar në trajnimin dhe zhvillimin profesional të Policisë së Shtetit Shqiptar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
