Policia e Shkodrës ka arrestuar njërin prej autorëve të dyshuar, i cili ka marrë pjesë në dhunimin e drejtorit të AKU Shkodër.
Në pranga ka rënë një shtetas me mbiemrin Elis Çela, banues në lagjen “Kiras” në Shkodër.
I ndaluari nga efektivët e Shkodrës dyshohet se është personi i cili ka dërguar me automjet, personin tjetër që ka goditur me send të fortë drejtorin e AKU, Ramir Haderi.
Ndërkohë policia e Shkodrës ka bërë identifikimin edhe të personit tjetër që dyshohet si autori kryesor që ka dhunuar Haderin dhe është shpallur në kërkim ndërsa po punohet për gjetjen dhe kapjen e tij.
Ngjarja ndodhi më 21 maj në orët e mbrëmjes kur në lagjen “Rus” drejtori i AKU Ramir Haderi u godit nga një person dhe më pas u largua në drejtim të paditur.
Haderi mori një plagë në vetull dhe pas mjekimit në spital u largua në shtëpi.
Një ditë pas ngjarjes drejtori Haderi reagoi duke thënë se asgjë nuk do ta ndalë. Dhunimi i tij dyshohet se erdhi për shkak të detyrës ndërsa shtetasit e përfshirë në këtë ngjarje dyshohet se janë persona me pagesë dhe se porositësit janë të tjerë. Policia vijon punën për ta zbardhur të plotë ngjarjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
