Aksident me pasojë një person të plagosur është regjistruar pak më parë në Gjirokastër. Ngjarja ka ndodhur në aksin Gjirokastër-Tepelenë në afërsi të kthesës së fshatit “Andon Poçi”.
Sipas të dhënave të para mësohet se shkak është bërë një mjet i tonazhit të rëndë i cili është përplasur me një automjet tip “Mercedez-Benz”.
Maunia që vinte nga Gjirokastra në drejtim të Tepelenës ka devijuar krahun duke u përplasur në anën e majtë frontale të makinës.
Shkak ishte këputja e aksit të pasme të rrotave. Ka qenë i menjëhershëm reagimi i shoferit te autoveturës duke dalë menjëherë nga rruga dhe përfunduar në kanal.
Ndërkaq ka ngelur i plagosur një pasagjer i cili është dërguar për ndihmë mjekësore në spital.
Policia e cila ka shkuar në vendngjarje po punon për zbardhjen e plotë të shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
