Dy automjete janë përfshirë nga flakët në orët e para të mëngjesit të kësaj të mërkure në qytetin e Shkodrës.
Sipas policisë, ngjarja ka ndodhur në lagjen ‘Kongresi i Përmetit’, ku dy makinat në pronësi të Sabaudin Hoxhës, janë shkrumbuar totalisht nga flakët.
Si pasojë e djegies së mjeteve janë shkaktuar vetëm dëme materiale.
“Rreth orës 03:25, në lagjen "Kongresi i Përmetit", ka rënë zjarr në 2 automjete, tip "Benz ML" dhe "Kiron Ssanyong", në pronësi të shtetasit Sabaudin Hoxha. Si pasojë janë shkaktuar vetëm dëme materiale.
Grupi hetimor vijon punën për sqarimin e rrethanave të rastit dhe përcaktimin e shkakut të rënies së zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
