Inspektori i Lartë i Drejtësisë, Artur Metani, ka reaguar pas ngjarjes që tronditi Fierin, ku një 31-vjeçar qëlloi për vdekje ish-bashkëshorten e tij, 23-vjeçaren S. B në Zhupan të Fierit.
Metani ka reaguar lidhur me këtë ngjarje duke theksuar se ka nisur menjëherë vlerësimi i rastit dhe i të dhënave që dalin në media mbi veprimet e magjistratëve.
Metani thekson se “prej momentit të parë, jam duke ndjekur me vëmendje raportimet mbi ngjarjen e rëndë të vrasjes së një 23 vjeçareje nga ish-bashkëshorti në Zhupan të Fierit”.
Në finalizimin e deklaratës së tij, ai theksoi se ky është një proces pune, që do të kryhet në zbatim të detyrimeve ligjore dhe funksionale.
“Duke i shprehur ngushëllimet familjarëve për këtë humbje, dua të garantoj opinionin publik, se ky është një proces pune që Inspektori i Lartë i Drejtësisë e kryen me vëmendje e ndjeshmëri të lartë dhe në zbatim të detyrimeve ligjore dhe funksionale. Prej momentit të parë, jam duke ndjekur me vëmendje raportimet mbi ngjarjen e rëndë të vrasjes së një 23 vjecareje nga ish bashkëshorti në Zhupan të Fierit. Ka nisur menjëherë vlerësimi i rastit dhe i të dhënave që dalin në media mbi veprimet e magjistratëve”, thuhet në një reagim të kreut të ILD.
Autori i vrasjes nuk është një emër i panjohur për drejtësinë, pasi ai ishte dënuar më parë për dhunë në familje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
