Procesi i përzgjedhjes së kandidatëve për hetues të BKH-së, është paditur për mungesë transparence si dhe për skualifikimin e padrejtë në Gjykatën Administrative.
Një prej aplikantëve ka kërkuar pezullimin e këtij procesi, pasi sipas tij nuk ka pasur transparencë në përllogaritjen e pikëve në testin fizik, e cila përkon me fazën e tretë të përzgjedhjes së kandidatëve për hetues pranë byrosë.
“Në proces nuk është përcaktuar metodologjia e vlerësimit, ku dëmtohen interesat e mia personale, interesi publik dhe procesi i rregullt ligjor në një procedurë konkurrimi që ka për qëllim rritjen e besimit të publikut pranë organeve të drejtësisë”, thuhet në padinë e të skualifikuarit.
Sipas paditësit, në krahasim me fazat e tjera të testimit, Byroja Kombëtare e Hetimit nuk kishte përcaktuar asnjë minimum pikësh për testin fizik, dhe se nuk ka patur asnjë publikim në faqen zyrtare të BKH.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
