Ish-banori i shtëpisë së Big Brother, është arrestuar nga policia e Vlorës, pasi mesditën e djeshme në Vlorë ai plagosi tre punonjës të parkingut.
Ai është një personazh i njohur, pasi qenë pjesë e reality show Big Brother Albania 4, dhe bëhet fjalë për Hënes Dalipaj, 30 vjeç.
Mësohet se në qytetin e Vlorës u plagosën me thikë tre punonjës të kompanisë private të parkingjeve “Tispark”, pas konfliktit me dy qytetarë që kishin parkuar makinën në bulevard.
Burime policore pohuan se ish-banori i Big Brother është një nga të dyshuarit për ngjarjen, bashkë shokun e tij Eduard Alikajn.
Ndërkohë tre të plagosurit ndodhen në spital, dhe fatmirësisht janë jashtë rrezikut për jetën, ndërsa Dalipaj dhe Alikaj u arrestuar menjëherë nga blutë e qytetit bregdetar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
