Një aksident me makinë ka ndodhur ditën e sotme në aksin rrugor Maliq-Pogradec, në afërsi të fshatit Gurishtë, Maliq. Bëhet me dije se një mjet ka dalë nga rruga dhe është përplasur me bordurën.
Mësohet se drejtuesi i mjetit dhe pasagjeri janë plagosur dhe është dashur ndërhyrja e zjarrfikësve për të nxjerrë shoferin nga makina.
Nga informacionet paraprake bëhet me dije se gjendja e tij paraqitet e rëndë, dhe po dërgohet drejt spitalit të Korçës për mjekim.
Policia ndodhet në vendngjarje për zbardhjen e rrethanave.
Njoftimi i policisë: Më datë 25.06.2022, rreth orës 13:50, jemi njoftuar se në aksin rrugor Maliq-Pogradec, në afërsi të fshatit Gurishtë, Maliq, shtetasi I. C., duke drejtuar mjetin tip "Audi", dyshohet se ka humbur kontrollin e mjetit dhe ka dalë nga rruga. Për pasojë kanë marrë dëmtime drejtuesi I. C. dhe pasagjeri shtetasi Sh. C., të cilët u dërguan për mjekim në Spitalin e Korçës.
Grupi hetimor po punon për sqarimin e rrethanave të ngjarjes dhe përcaktimin e shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
