Ndërron jetë i paraburgosuri në burgun e Peqinit

Artur Gjoci, është i paraburgosuri i cili ka ndërruar jetë ditën e sotme në burgun e Peqinit.

46-vjeçari mësohet se ka ndërruar jetë në spitalin e burgut të Peqinit. Dyshohet se i dënuari mund të ketë pësuar arrest kardiak.

I dënuari ishte në burg për vjedhje. Raportohet se i dënuari mori fillimisht ndihmën e parë mjekësore në paraburgimin e burgut dhe më pas ka ndërruar jetë në spitalin e Peqinit.

Njoftimi i MD

Sot, rreth orës 9.30 minuta, në ambientet e paraburgimit tw IEVP Peqin, është gjetur nga ndihmësmjeku që shpërndan terapitë, i paraburgosuri Artur Gjoci, 46 vjeç, i shtrirë në gjendje agonie, me puls të dobët.

Menjëherë i është dhënë e shpejtë nga ndihmësmjeku duke i aplikuar Predizelon dhe Adrenalinë, e më pas është nisur urgjent drejt spitalit të Peqinit duke e shoqëruar përgjatë gjithë kohës me masazh kardiak.

Duke parë gjendjen e rënduar, i është injektuar sërish një ampulë Adrenalinë nga mjekët e spitalit, por fatkeqësisht ka gjetur vdekjen. Dyshimet e para janë për një arrest kardiak.